Maurer-Arn, Trudi

Trudi Maurer-Arn (* 26.11.1918)

Beruf: Hausfrau, Grossmutter, Feuilleton-Redaktorin

Adresse: Spiezbergstr. 21, 3700 Spiez Heimatort: Hausfrau, Grossmutter, Feuilleton-Redaktorin


Mitglied im Berner Schriftstellerinnen und Schriftsteller Verein (BSV).

Persönlicher Beitrag

D Spartaner hätte mi ertränkt, woni am 26. November 1918 - es schwachs Räbeli - ir Familie Arn z Spiez als vierts Chind aagstande bi. Us der halbe Portion hets du später non e Lehrere u sogar e Turnlehrere ggää, e Ehefrou u Mueter vo zwee wilde Buebe. 50 Jahr mit em glyche Maa ghürate! Isch das nid zum Hüüle längwylig? Nid, we dä sone interessante Pruef het: Redakter anere Tageszytig, wo der Familie ghört. Da het "ds Trudi" allpott müesse oder dörfen yspringe. Wenes Outo yputschet isch, we der Gmeindspräsidänt e Boum gsetz het, e Verein es Theaterli het ufgfüert, a jeder Hundsverlochete: Reportere, Interviews mache, schrybe, schrybe - u das isch mer blibe! U wils mi wundernimmt, was si mache u was verchachle, wi si mitenander umgöh, hets mer der Chugelschryber id Hand gjagt, u di Gschichte hei usemüesse. Als "Oberländeschi Krimi-Lady" wirden i imene nöiere Büecherprospäkt vorgstellt, wil i o no zwee Kriminalromän verbroche ha. Mys erste Bändli - dasmal sys Aabetüürgschichte - wird grad fertiggstellt. Nid öpe, dass i geng gsund u munter bi. Di Tökter hei mer afen alles usegschnätzlet was me ungstraft cha näh ( öbs ächt de eis bin Kremiere Rabatt git?) Emel ds Härz han i no.

Weblinks UB Bern

Quellen

Dieser Text entstand auf Grundlage der Bibliographie Berner Schriftsteller.