Leuthold-Wenger, Elisabeth

Elisabeth Leuthold-Wenger (* 24. Sept. 1854 in Schwarzenburg; † 13. Sept. 1925 in Riggisberg), Bäuerin, Schriftstellerin in Guggisberg

Leben

"D’Frou Lüthold isch e töüfe Mönsch gsi mit eme rege Geischt u drum isch es guet z’begryffe, dass sie die Gedanke, wo re der Chopf gfüllt hei, het müesse uf z’Papier bringe. Scho früech het sie se zu Värse u Gschichte gformet u gmodlet.

Wo im Herbscht 1907 der Pfarrer Emanuel Friedli uf Guggisbärg isch cho, für der dritt Band vo sym grosse Bärndütschwärk in Agriff z’näh, het er der Ueli Dürrematt z’Herzogebuchsi gfragt, wär ihm ächt da im Ländli obe am beschte chönnt hälfe bi der Erforschig vo der Spraach. ... die Frou, wo vo jehär so-n-es grosses Inträssi het gha a ihrer Mundart u a der politische un kulturelle Vergangeheit vom Guggidsbärg, isch o am Bärndütsch-Vatter zu freudige Ratgäbere u Mitarbeitere worde."